زۆر كه‌ناڵ هه‌ن كه منداڵ خولیایده‌بن وسه‌رنجیان زۆر راده‌كێشن به‌تایبه‌ت ئه‌و كه‌ناڵانه‌ی كه زمانی بیانینه به تایبه‌ت زمانی ئینگلیزی. هه‌ر چه‌نده منداڵ به ئه‌ندازه‌یه‌ك سوودی لێ وه‌ر ده‌گرێت فێری هه‌ندێك ووشه، به‌ڵام كاتێك ده‌بێته هۆی دابرانی منداڵ له ده‌وروو به‌ری خۆی و وای لێ ده‌كات كه بێ ده‌نگی هه‌ڵبژێرێ و قسه نه‌كات… كاتێك منداڵ سه‌یری ئه‌و كه‌ناڵانه ده‌كاتده‌بێته هۆی:-
١-كه زۆر گوێ ده‌گرێت له ئاواز و ده‌نگه‌كان و خولیایان ده‌بێت.
٢-زۆر سه‌یریی وێنه ره‌نگاو ره‌نگه‌كان ده‌كه‌وێت كه به‌خێرایی نیشان ده‌درێن و فریا ناكه‌وێ به‌دوا داچوونیان بۆ بكات.
٣-منداڵ پاشان خولیای شاشه‌كان ده‌بێت و پێشیانه‌وه ده‌لكێ تا بتوانێ له گه‌ڵیان هه‌ڵبكات.
٤-دوای چه‌ند مانگێك منداڵ ته‌نها خولیای شاشه‌كانه و له‌به‌ر خۆی گۆرانیه‌كان ده‌ڵێته‌وه، هیچ قسه‌یه‌كیش نازانێت و وه‌ڵامی دایك و باوكی ناداته‌وه چونكه قسه‌كانیان وه‌ك هی شاشه‌كان به ئاواز نیه بۆ ئه‌و. بۆ دوور بون له‌م گرفته گه‌ورانه ئه‌م ئامۆژگاریانه ده‌خه‌مه روو…
١.گرینگی بدرێت به یاری كردن له‌گه‌ڵ منداڵ و یاری كردن له نێوان منداله‌كانی خۆیان و تیڤیه‌كانیش نه‌بنه هۆكاری سه‌ره‌كی كات به‌سه‌ر بردنی منداڵ.
٢.دانانی كاتی تایبه‌ت بۆ منداڵ تا سه‌یری تیڤیه‌كان و یاریه ئه‌لیكترۆنیه‌كان و نابێت به‌رده‌وام كراوه و به‌ر ده‌ست بێ.
٣.نابێت له یه‌ك كاتژمێر له رۆژێك دا زیاتر سه‌یری تیڤیه‌كان بكرێت لای منداڵ.
٤.ئه‌و یاری و به‌رنامانه ده‌بێ گونجاو بێ بۆ ته‌مه‌نی منداڵ و دیمه‌نی ترسناكی تیا نه‌بێت تا نه‌بێته هۆ كاری ترس و خه‌و زڕانی منداڵ.
٥.نابێت به هیچ جۆرێك تیڤی و یاری ئه‌لیكترۆنی له ژووری خه‌و هه‌بێت.
٦.نابێت منداڵی ته‌مه‌ن ژێر دوو ساڵ سه‌یری ته‌له‌فزیۆن و یاری ئه‌لیكترۆنی بكات چونكه كاریگه‌ری زۆر و راسته‌وخۆی هه‌یه له‌سه‌ر گه‌شه‌ی مێشك به تایبه‌تیقسه‌كردن.
٧.باشتریش وایه دایك و باوكانیش زۆر خولیای تی ڤی نه‌بن و كاتی سه‌یر كردنی كه‌م كه‌نه‌وه.
٨.وا باشه گرنگی بدرێت به وه‌رزش به تایبه‌ت له ده‌ره‌وه‌ی ماڵ و ئه‌ندامانی خێزان به‌شداری تێده بكه‌ن، و وه‌رزش ببێته به‌شێكی سه‌ره‌كه ژیانی منداڵ.
٩.دانانی كاتی گونجاو و تایبه‌ت بۆ قسه‌كردنی ئه‌ندامانی خێزان به‌یه‌كه‌وه به‌سه‌ر هاته‌كانی هه‌ر یه‌كه‌یان له ژیانی رۆژانه‌یاندا.
١٠.هه‌ڵهێنانی منداڵ كه خولیای خوێندنه‌وه و پاشان نووسین یان هه‌ر هونه‌رێكی تربێت ژیانی پێ ره‌نگین و جوانتر بكات.